Guddoomiye ku xigeenka labaad Aqalka Sare ee Baarlamaanka Jamhuuriyadda Federaalka Soomaaliya, Mudane Cabdullaahi Cali Xersi Timacadde ayaa maanta xafiiskiisa Aqalka Sare ku qaabilay Guddoomiyaha Golaha Wakiillada Dowlad Goboleedka Waqooyi Bari, Mudane Dr Aadan Cabdullaahi Aw-xasan iyo xubno kale oo la socday.
Guddoomiye Timacadde, ayaa ka dhagaystay guddoomiyaha Golaha Wakiilada Waqooyi Bari warbixin guud oo ku saabsan howlaha Baarlamaanka Dowlad Goboleedka Waqoyi Bari, xaaladda siyaasadeed iyo bulsho ee shacabka ku dhaqan deegannada Dowlad Goboleedka, iyagoo sidoo kale ka wada hadlay xoojinta xirirka shaqo labada hay’adood ee Aqalka Sare iyo Golaha Wakiillada Waqooyi Bari iyo sidii looga wada shaqayn lahaa arrimaha hortebinta leh ee waajib gudashada Golayaasha Baarlamaanka heer Federaal iyo heer Dowlad Goboleed.
