Habracaa uu goluhu u maro xeer-dejinta Dalka
Aqalka Sare waa mid ka mid ah labada gole ee awoodda u leh xeer-dejinta Dalka Soomaaliya, sida ku cad qodobka 55aad ee Dastuurka KMG ah.
Xeerarka uu ansixiyo Aqalka Sare waxay maraan heerar kala duwan oo kala ah akhrinta 1aad, 2aad iyo akhrinta 3aad.
Akhrinta 1aad, xeer kasta waxaa golaha ka hor akhriya ciddii soo curisay, Guddoomiyaha Golaha ayaa warqad qoraal ah kula wareejinaya Guddiga uu khuseeyo xeerku.
Akhrinta 2aad, waxaa golaha u soo gudbinaya xeerka oo ay la socoto warbixin ku saabsan wax-ka-beddelka uu sameeyay Guddigu, si uu Goluhu uga doodo wax-ka-beddelkaas.
Akhrinta 3aad, waxaa Golaha sidoo kale u soo gudbinaya isla Guddigii iyada oo ay la socdaan sixitaankii uu Guddigu ku sameeya xeerka akhrintii labaad kadib.
Kadib, goluhu wuu ansixinayaa, iyada oo loo gudbinayo Madaxweynaha Jamhuuriyadda Federaalka Soomaaliya, looguna soo saaro Faafinta Rasmiga ah ee JFS.
Aqalka Sare ee Baarlamaanka Federaalka Soomaaliya wuxuu matalaa Dowlad-goboleedyada xubnaha ka ah Dowladda Federaalka, isagoo leh awoodo la xiriira sharci dejinta, ilaalinta nidaamka federaalka, iyo kormeerka hawlaha dowladda, sida ku cad Dastuurka.
Shibis, KM-0 Mogadishu Somalia
Sabti– Khamiis: 8:00 am – 4:00 pm