๐†๐”๐ƒ๐ƒ๐Ž๐Ž๐Œ๐ˆ๐˜๐„ ๐‚๐€๐๐ƒ๐ˆ ๐—๐€๐€๐’๐‡๐ˆ ๐Ž๐Ž ๐Š๐”๐‹๐€๐ ๐‹๐€ ๐๐€๐€๐“๐€๐˜ ๐’๐€๐…๐ˆ๐ˆ๐‘๐Š๐€ ๐“๐”๐‘๐Š๐ˆ๐†๐€ ๐” ๐…๐€๐ƒ๐‡๐ˆ๐˜๐€ ๐’๐Ž๐Ž๐Œ๐€๐€๐‹๐ˆ๐˜๐€

Guddoomiyahaย Aqalka Sare ee Baarlamaanka Jamhuuriyadda Federaalka Soomaaliya, Mudane Cabdi Xaashi Cabdullaahi, ayaa maanta xafiiskiisa ku qaabilay Safiirka Cusub ee Dowladda Turkiga u fadhiya Soomaaliya Mudane Alper AktaลŸ.

Kulanka oo ku saabsanaa isbarasho iyo soo dhowayn ayaa sidoo kale Guddoomiyaha iyo Safirku intuu uu kulanku socday isla soo qaadeen xiriirka u dhexeeya labada dal ee walaalaha ah iyo sidii loo sii adkayn lahaa.

Guddoomiye Cabdi Xaashi ayaa dowladda Turkiga uga mahad celiyay taageerada joogtada ah iyo mashaariicda horumarineed ee ay dalka ka hir-geliyeen, wuxuuna safiirka ku booriyay in uu sii laba jibaaro xiriirkaas walaaltinimo.

Guddoonka Labada Aqal ee Baarlamaanka Jamhuuriyadda Federaalka Soomaaliya, Mudane Cali Shacbaan Ibraahim iyo Mudane Sheekh Aadan Maxamed Nuur Madoobe oo ay weheliyaan ku xigeennada Labada Aqal ayaa shir guddoomiyay kulanka 25-aad ee wadajirka ah ee labada aqal ee Baarlamaanka JFS.

Ajandaha kulanka maanta ayaa ahaa sii wadista ka doodista cutubka 4-aad ee Dastuurka KMG ah madaxa koowaad mataladda shacabka iyo madaxa labaad oo ku saabsan doorashooyinka Dalka.

Doodda cutubka afaraad gaar ahaan madaxyada koowaad iyo labaad oo la gudo galay maalintoodii labaad, ayaa qaar ka mid ah Sanatarrada iyo Xildhibaannadu si la mid ah Mudanayaashii kulankii hore waxa ay doodo adag iyo su’aalo geliyeen qodobbada maanta la horkeenay ka doodistooda, halka kuwo kalana ay ay ku bogaadiyeen guddiyada Dastuurka sida ay u soo qaabeeyeen dastuurka iyo faqradaha cusub oo ay soo ku soo kordhiyeen.

Ku simaha Guddoomiyaha Aqalka Sare ee Baarlamaanka JFS ahna guddoomiye ku xigeenka koowaad ee Aqalka Sare Mudane Cali Shacbaan Ibraahim oo weheliyo Guddoomiye ku xigeenka labaad ee Aqalka Sare Mudane Cabdullaahi Cali Xersi (Timacadde) ayaa shir guddoomiyay kulanka lixaad ee kalfadhga 4-aad ee Guddiga Joogtada joogtada Aqalka Sare.

Ajandaha kulanka oo ahaa dhagaysiga warbixinta guddoonka Aqalka Sare, ayaa sidoo kale looga hadlay ka baaraan degista iyo dardar gelinta arrimaha hortebinta u leh Golaha, sida dhammaystirka Dastuurka, kor-joogtaynta, isla xisaabtanka iyo xoojinta wada shaqaynta Aqalka Sare iyo Dowlad Goboleedyada dalka.

Guddoonka Labada Aqal ee Baarlamaanka Jamhuuriyadda Federaalka Soomaaliya, Mudane Cali Shacbaan Ibraahim iyo Mudane Sheekh Aadan Maxamed Nuur Madoobe oo ay weheliyaan ku xigeennada Labada Aqal ayaa shir guddoomiyay kulanka 24-aad ee wadajirka ah ee labada aqal ee Baarlamaanka JFS.

Xildhibaannada labada Aqal ee Baarlamaanka Jamhuuriyadda Federaalka Somaaliya ayaa guda galay ka doodista cutubka 4-aad ee Dastuurka KMG ah oo ka hadlaya matalaadda shacabka.

Cutubkan oo u qaybsan afar madax ayaa maanta waxaa ka doodistooda la furay madaxa koowaad ee mabaadii’da guud ee mataladda shacabka iyo madaxa labaad oo ku saabsan doorashooyinka, iyadoo Sanatarrada iyo Xildhibaannada ay soo jeediyeen aragti wax ku ool ah oo ku saabsan qodobada 48-aad illaa 53-aad ee cutubka Afaraad madaxyadiisa koowaad iyo labaad

Doodda Cutubka afaraad oo sii socon doonta maalmaha soo socda ayaa waxaa isku diiwaan geliyay in ka badan boqol Mudane, taas oo muujinaysa muhiimadda cutubkaan uu leeyahay, iyadoo Guddida La-Socodka Dastuurkana ay diiwaan geliyeen dhammaan hadal qoraallada Sanatarrada iyo Xildhibaannada ka aragti dhiibtay qodobbada maanta.

 

 

ย Guddoomiye ku xigeenka labaad Aqalka Sare ee Baarlamaanka Jamhuuriyadda Federaalka Soomaaliya, Mudane Cabdullaahi Cali Xersi {Timacadde} oo uu weheliyo Guddoomiyaha Golaha Shacabka Sheekh Aadan Maxamed Nuur Madoobe iyo ku xigeennadiisa ayaa shir guddoomiyay kulanka 22-aad ee wadajirka ah ee labada aqal ee Baarlamaanka JFS.

Kulanka maanta oo dhammaystir u ahaa ka doodista dooddista iyo dhagaysiga soo jeedimada wax ka beddelka qodobada 42-aad illaa 47-aad ee cutubka saddexaad ee Datuurka KMG ah. ayay Sanatarrada iyo Xildhibaannada kulankii hore isku diiwaan geliyay soo bandhigeen aragtidooda ku aaddan qodobada ka hadlaya dhulka, hantida iyo deegaanka ee cutubka 3-aad ee Dastuurka.

Ka doodista qodobbada 42-aad illaa 47-aad ee cutubka saddexaad ee Datuurka KMG ah oo qaadatay muddo labo maalin ah ayaa waxaa ka aragti dhiibtay in ka badan 32 Mudane oo isugu jira Sanatarro iyo Xildhibaanno, waxaana ka doodista cutubka afaraad oo ah kan ugu danbeeya afartii cutub ee ay soo diyaariyeen Guddiyada Dastuurka lagu ballamay fadhiga wadajirka ah ee soo scoda oo ku beegan maalinta Isniinta ah 11-ka Maarso.
Guddoonka Labada Aqal ee Baarlamaanka Jamhuuriyadda Federaalka Soomaaliya, Mudane Cali Shacbaan Ibraahim iyo Marwo Sacdiya Yaasiin Xaaji Samatar oo uu weheliyo guddoomiye ku xigeenka labaad ee Aqalka Sare Mudane Cabdullaahi Cali Xersi Timacadde ayaa shir guddoomiyay kulanka 21-aad ee wadajirka ah ee labada aqal ee Baarlamaanka JFS.

Ajandaha Kulanka maanta ayaa ahaa ka doodista soo jeedimaha wax ka bedelka Dastuurka KMG ah, Cutubka 3-aad qodpbadiisa 41-aad illaa 47aad.

Sanatarrada iyo Xildhibaannada ayaa markii uu kulanku furmay guda-galay doodda cutubka saddexaad ee Dastuurka KMG ah oo ka hadlaya dhulka, hantida iyo deegaanka, waxayna Mudanayaasha labada gole dood iyo aragtiyo wax ku ool ah ku biiriyeen wax ka beddelka Dastuurka gaar ahaan cutubka 3aad oo maanta dooddiisa ay guda galeen Labada Aqal ee Baarlamaanka jamhuuriyada Federaalka Soomaaliy.

Guddoomiye ku xigeenka labaad Aqalka Sare ee Baarlamaanka Jamhuuriyadda Federaalka Soomaaliya, Mudane Cabdullaahi Cali Xersi {Timacadde} oo ay weheliso Guddoomiye ku xigeenka koowaad ee Golaha Shacabka Marwo Sacdiyo Xaaji Yaasiin ayaa shir guddoomiyay kulanka 20-aad ee wadajirka ah ee labada aqal ee Baarlamaanka JFS.

Ajandaha Kulanka maanta ayaa ahaa dhammaystirka ka doodista iyo dhagaysiga soo jeedinnada wax ka beddelka qodobada 31-aad illaa 40-aad ee cutubka labaad ee Datuurka KMG ah.

Sanatarrada iyo Xildhibaannada isu diiwaan geliyay ka aragti dhiibashada doodda wax-kabeddelka cutubka 2aad oo soo bilaabatay 24 Febraayo ayaa guda galay aragtidooda, iaygoo soo jeediyay faalooyin iyo aragtiyo wax ku ool ah oo ku aaddan cutub labaad ee ka hadlaya xuquuqaha aasaasiga ah iyo waajibaadka muwaadinka.

ka doodista cutubka labaad ee Dastuurka KMG oo ay ka qayb qaateen in ka badan 88 Mudane oo isugu jira Sanatarro iyo Xildhibaanno ayay dooddiisu qaadatay muddo afar fadhi oo wada jir ah, waxaana maalinta Isniinta ah ee soo socota la bilaabi doonaa ka doodista Cutubka Saddexaad ee Dastuurka.

ย ย  ย 

Guddoonka Labada Aqal ee Baarlamaanka Jamhuuriyadda Federaalka Soomaaliya, Mudane Cali Shacbaan Ibraahim iyo Mudane Sheekh Aadan Maxamed Nuur Madoobe oo ay weheliyaan ku xigeennada Labada Aqal ayaa shir guddoomiyay kulanka 19-aad ee wadajirka ah ee labada aqal ee Baarlamaanka JFS.

Ajandaha kulanka maanta oo ahaa sii wadida ka doodista soojeedinnada wax-ka-beddelka Dastuurka, Cutubka 2-aad Xauquqda asaasiga ah iyo waajibaadka muwaadinka Soomaaliyeed, Qodobka 20-aad 31-aad.

Xildhibaannada labada Aqal ee Baarlamaanka Jamhuuriyadda Federaalka Soomaaliya ayaa ka dooday cutubka labaad ee dib eegista Dastuurka, ayaa dul istaagay qodobada arrimaha shaqaalaha, bii’ada, guurka, dadka baahiyaha gaarka ah qaba in ay ka helaan sinnaan iyo Ixtiraam, xuquuqda caruurta iyo in loo bixiyo magacyo wanaagsan, xadgudubka iyo qodobo kale oo dooddooda aad loogu dheeraaday.

Guddoomiye ku xigeenka koowaad Aqalka Sare ee Baarlamaanka Jamhuuriyadda Federaalka Soomaaliya Mudane Cali Shacbaan Ibraahim ayaa maanta daaf-furay shirka latashiga Hay’adaha dowladaha xubnaha ka ah DFS iyo Maamullada kale ee ku saabsan soo jeedinnada wax ka beddelka cutubyada 1aad – 4aad ee Dastuurka KMG ah.

shirkan oo ujeedadkiisu yahay dardar gelinta arrimaha latashiyada wax ka beddelka Dastuurka KMG ah ayaa waxaa goobjoog ahaa xubno kala duwan ooy ka mid yihiin Guddoomiyaasha Golayaasha Sharcidejinta ee dowladaha xubnaha ka ah dowladda Federaalka Soomaaliya wasiirrada arrimaha Dastuurka u qaabilsan DXDF, Xildhibaanno iyo Gobolka Banaadir.

Guddoomiye Cali Shacbaan oo shirka Furay ayaa sheegay in qabyo tirka dib u eegista Dastuurka ay tahay arrin masiiri ah oo dhaxal u ah Ummadda Soomaaliyeed loona baahan yahay in la joogteeyo latashiyada dadwaynaha inta lagu guda jiro qabyo tirka Dastuurka, isla markaana lagu kalsoonaado Xildhibaannada Baarlamaanka Soomaaliya ee wakiilka ka ah shacabka Soomaaliyeed kuwaas oo u taagan sidii Jamhuuriyadda Federaalka Soomaaliya ay u yeelan lahayd dastuur dhammeystiran oo dalka ka saara xasillooni darrada siyaasadeed.

Shirkan wuxuu socon doonaa muddo sadex maalmood ah, inta uu socdo waxaa aragtidooda ku aaddan cutubka 1aad -4aad ee dastuurka laga dhagaysan doonaa masuuliyiinta hay’adaha dowladaha xubnaha ka ah DFS iyo Gobolka Banaadir.
Guddoomiyaha Guddiga Haweenka Aqalka Sare Sanatar Sareedo Maxamed Xasan (Jayte) oo ay weheliso Guddoomiyaha Gudddiga Haweenka Golaha Shacabka Xildhibaan Suhuur Xaaji Culusow iyo xubno kale oo ka tirsan Guddiyada Haweenka labada aqal ayaa maanta kulan la qaatay guddoomiyaha Guddiga madaxa bannaan ee Dib u eegista Dastuurka KMG ah.

Xubnaha Guddiyada Haweenka labada aqal ee Baarlamaanka JFS ayaa guddoomiyaha guddiga madaxa bannaan ee Dastuurka waydiin odhaahdeedyo dheeraad ah iyo turxaan bixin ka waydiiyay qodobada Dastuurka ee sida gaar ah u quseeya Haweenka Soomaaliyeed.

Ugu danbayn, guddoomiyaha Guddiga Madaxa bannaan ee dib u eegista Datuurka M.ne Burhaan Aadan Cumar ayaa xubnaha Guddiyada Haweenka labada Aqal ee Baarlamaanka Jamhuuriyadda FS u faahfaahiyay qodobadii ay sida gaarka ah wax uga waydiiyeen, isagoo xusay in ay ku shaqayn doonaan toosinta iyo talo-bixintooda si sharciga waafaqsan iyo habraaca Dib u eegista Dastuurka KMG ah ee Baarlamaanku ansaxiyay.
ย 

Guddoonka Labada Aqal ee Baarlamaanka Jamhuuriyadda Federaalka Soomaaliya, Mudane Cali Shacbaan Ibraahim iyo Marwo Sacdiya Yaasiin Xaaji Samatar oo ay weheliyaan ku xigeennada Labada Aqal ayaa shir guddoomiyay kulanka 18-aad ee wadajirka ah ee labada aqal ee Baarlamaanka JFS.

Ajandaha kulanka maanta oo ahaa sii wadidda ka doodista soo jeedinnada wax ka beddelka Dastuurka KMG ah Cutubka labaad Qod. 10-aad illaa iyo 20-aad ayay Sanatarrada iyo Xildhibaannadu maanta dooddooda si gaara diiradda ugu saarnayd xorriyadda diinta, caqiiddada, sinnaanta, xuquuqda asaasiga ah iyo qodobo kale oo ay ka mid ahaayeen xorriyadda nabadgelinta qofnimada isla markaaba waxay si gaar ah xildhibaannada iyo Sanatarrada uga doodeen gudniinka gabdhaha iwm.

Doodda cutubka labaad oo gashay maalinkii labaad ayaa waxaa aragtidooda ka dhiibtay ku dhowaad sideetan Xildhibaan iyo Sanatar oo dhammaantood si yaabo kala duwan uga hadlay qodobada cutubka labaad ee dastuurka KMG ah ee loo soo bandhigay, waxaana ka doodista cutubka labaad Qod. 10-aad ilaa iyo 20-aad qorshaha shintirka ee ku cad habraaca doodaha Dastuurka KMG ah uu yahay in la la soo geba gebeeyo kulanka soo socda ee kualnkan ku xiga.

Guddoonka Labada Aqal ee Baarlamaanka Jamhuuriyadda Federaalka Soomaaliya, Mudane Cali Shacbaan Ibraahim iyo Mudane Sheekh Aadan Maxamed Nuur Madoobe oo ay weheliyaan ku xigeennada Labada Aqal ayaa shirguddoomiyay kulanka 17-aad ee wadajirka ah ee labada aqal ee Baarlamaanka JFS.

Ajandaha Kulanka maanta ayaa ahaa ka doodista soo jeedinnada wax ka bedelka Dastuurka KMG ah, Cutubka 2-aad Xuquuqda asaasiga ah iyo waajibaadka Muwaadinka.

Ugu horrayn, Guddoonka Guddiyada u xilsaaran dib u eegista Dastuurka ayaa Xildhibaannada iyo Senatorrada Labada Aqal BJFS la wadaagay warbixin soo koobaysa sagaalkii qodob ee cutubka koowaad ee Dastuurka KMG ah ee ka doodistoodu ay soo gaba gabowdat, isla markaana soo bandhigay warbixin uruursan oo soo koobaysa nuxurka aragtiyadii Sanatarradii iyo Xildhibaanadii fikirkoda dhibtay.

Intaas ka dib Xildhibaannada iyo Senatorrada labada Aqal ayaa aragtidooda ka dhiibtay cutubka labaad ee dib eegista Dastuurka oo ay ugu horreeyaan arrimaha diinta, Xuquuqda aasaasiga ee muwaadinka Soomaaliyeed sida xorriyad hadalka iyo Sinnaanta oo ay si daah furan uga aragti dhiibteen.

Dhinaca kale, Xildhibaannada iyo senatorradu ee waxay go’aan Baarlamaan oo wadajir ah ku meel mariyay in Xildhibaan Fowsiya Yuusuf Xaaji Aadan lagu taageero murashaxnimadeeda tartanka Guddoomiyaha Guddiga Midowga Afrika (African Union Commission) loogana jaro Xildhibaan kasta shan bqol oo dolar.

Kulanka wadajirka ah ee Baarlamaanka ee aan caadiga ahayn oo ay shir guddoomiyeen Guddoonka labada Aqal ee Baarlamaanka Jamhuuriyadda Federaalka Soomaaliya, Mudane Cali Shacbaan Ibraahim iyo Mudane Sheekh Aadan Maxamed Nuur Madoobe oo ay weheliyaan ku xigeennada labada Aqal ee BFS, ayaa waxaa hor yimid Madaxwaynaha Jamhuuriyadda FS Mudane Xasan Sheekh Maxamuud.

Kulanka marka uu furmay ayaa waxaa Mooshin soo gudbiyay xildhibaanno gaaraya 110, iyagoo dalbaday in ajandaha wax ka beddel lagu sameeyo isla-markaana fadhi caadi ah uu qabsoomo, waxaana ay mudanayaasha labada golle si wadar ogol ah ugu codeeyeen soojeedinta Xildhibaannada ee ah in ajandaha kulanka wax laga badalo.

Intaas ka dib Madaxweyne Xasan Sheekh Maxamuud ayaa khudbad u jeediyay mudanayaasha Labada Aqal wuxuuna warbixin ka siiyay xaaladda guud ee dalka iyo guulaha ay dowladdu ku talaabsatay, isagoo si gaar ah uga hadlay Heshiiska Difaaca iyo Dhaqaalaha ee ay wada galeen Dowladda Federaalka Soomaaliya iyo JamhuuriyaddaTurkiga. Heshiiskan ayaa Madaxweynaha Xildhibaannada labada aqal u sheegay in uu ka hortag u yahay xaalufinta kheyraadka badda, burcad badeedda iyo arrimo kale oo badan.

Khudbada Madaxweynaha ka dib, xildhibaannada Labada Aqal waxay guda galeen kulanka, waxaana Xildhibaannadda uga warbixiyay Heshiiska Difaaca iyo Dhaqaalaha ee ay wada galeen Dowladda Federaalka Soomaaliya iyo Turkiga Wasiirka difaaca dalka Mudane Cabdiqaadir Maxamed Nuur (Jaamac) isagoo Xildhibaannada u sheegay in heshiiskan uu muhiimad gaar ah uu u leeyahay ilaalinta, midnimada iyo wadajirka ee Shacabka iyo Dowladda Soomaaliyeed.

Xildhibaanada ayaa si wadajir u ansixiyay heshiiska difaaca ee labada dowladood, waxaana ogolaaday, 213 mudane, waxaa diiday 3 Xildhibaan, wax ka aamusay ma jiraan.

 

Guddoonka Labada Aqal ee Baarlamaanka Jamhuuriyadda Federaalka Soomaaliya, Mudane Cali Shacbaan Ibraahim iyo Mudane Sheekh Aadan Maxamed Nuur Madoobe oo ay weheliyaan ku xigeennada Labada Aqal ayaa ka qayb galay kulanka 15-aad ee wadajirka ah ee labada aqal ee Baarlamaanka JFS.

Ajandaha Kulanka maanta ayaa ahaa dhammaystirka ka doodista iyo dhagaysiga soo jeedinnada wax ka bedelka qodobada koowaad illaa sagaalaad ee cutubka koowaad ee Datuurka KMG ah.

Doodda qodobbada 1aad illaa 9aad ee cutubkan koowaad oo qaadatay muddo afar maalin ah ayay Xildhibaannada Labada Aqal ee Baarlamaanku soo jeediyeen aragtiyo wax ku ool ah, qaabayn, sixid iyo siiqayn, si marxaladda xigta guddiyada Dastuurka ee doodda la socda ay ugu soo dhafaan Dastuurka talooyinka iyo soojeedimaha mudanayaasha labada aqal.