Guddoomiye ku xigeenka labaad ee Aqalka Sare Mudane Cabdullaahi Cali Xersi (Timacadde) iyo Guddoomiyaha Golaha Shacabka Sheekh Aadan Maxamed Nuur (Madoobe) ayaa maanta shir guddoomiyay kulanka labaad kalfadhiga todobaad ee kulamada wadajirka labada Aqal ee Baarlamaanka 11-aad.
Ajandaha kulanka maanta oo ahaa akhrinta koowaad warbixinta xisaab-xirka sanad maaliyadeedka 2024-ka, ayaa ugu horrayn waxaa mudanayaasha labada gole faahfaahin ka siiyay xisaab xirka 2024-ka Wasiirka Wasaaradda Maaliyadda Xukuumada Federaalka Somaaliya Mudane Biixi Iimaan Cige, wuxuuna dul istaagay, qarashaadka Maaliyadda, sida uu u baxay, muhiimadda nidaamka qasnadda midaysan, arrimaha mashaariicda, sida loo hanti dhowray maaliyadda Dalka iyo qodobo kale oo muhiim ahaa.
