Guddoomiyaha Aqalka sareee Baarlamaanka Jamhuuriyadda Federaalka Soomaaliya Mudane Cabdi Xaashi Cabdullaahi oo ay wehelliyaan Guddoomiye ku xigeenka koowaad Mudane Cali Shacbaan Ibraahim iyo Guddoomiye ku xigeenka labaad Mudane Cabdullaahi cali Xersi Timacade, ayaa maanta shir guddoomiyay kalfadhiga lixaad kulankiisa koowaad ee Golaha Aqalka Sare.
Ajandaha kulanka maanta oo ka koobnaa labo sharci ayaa kala ahaa.
1- Akhrinta koowaad ee hindise sharciyeedka Kaalmo sharciyeedka Federaalka
2- Akhrinta koowaad ee hindise sharciyeed dhisidda Hay’adda Maalgashiga Soomaaliyeed.
Wasiirka Wasaaradda Cadaaladda iyo Arrimaha Dastuurka XFS Mudane Xasan Macallin Maxamuud iyo Wasiiru Dowlaha Wasaaradda Qorsheynta, Maalgashiga iyo Horumarinta Dhaqaalaha XFS Mudane Axmednur Sheekh Maxamed ayaa Sanatarrada Aqalka Sare u faahfaahiyay sharciyada Kaalmo sharciyeedka Federaalka iyo sharciga dhisidda Hay’adda Maalgashiga Soomaaliyeed oo ay maanta golaha ka hor akhriyeen.
Guddoomiyaha Aqalka Sare Mudane CabdiXaashi Cabdillaahi ayaa gunaanadkii kulanka sheegay in Guddiyada ku shaqada leh lagu eareejin doonno labada Hindise Sharciyeedyada maanta la akhriyay.
