Guddiga Garsoorka, Cadaaladda, Arrimaha Diinta, Awqaafta, Xaquuqul Insaanka, Haweenka iyo Caruurta Aqalka Sare ee Baarlamaanka Federaalka Soomaaliya, ayaa maanta xafiiskooda kulan kula qaatay mid ka mid ah madaxda sare ee hay’adda Adam Smith International, kulanka oo daarnaa isbarasho iyo xog-isweydaarsi ku saabsan taageerada ay siyaan hay’addaha dowlada ee uu guddigu ku leeyahay korjoogtaynta iyo isla-xisaabtanka isla markaana loo helo maamul wanaag ku salaysan daahfurnaan iyo hirgalida mashruucyo wax ku ool u ah hannaanka dowladnimo.
Guddoomiyaha Guddiga ayaa u mahadcelisay hay’adda Adam Smith, Iyadoo ku boorisay in ay joogteeyaan taageerada ay siyaan hay’addaha kala duwan ee dowlada, loona baahan yahay in la sii xoojiyo wada-shaqaynta guddiga iyo Adam Smith.
Ugu dambeyntii, Kulanka oo ay ka soo qaybgaleen xubanaha guddiga ayaa waxaana Shir gudoomisay Guddoomiyaha Guddiga Sanatar Naciima Xasan Xaaji Maxamuud ( Gadhwayne ).
