Fadhiga Furitaanka kalfadhiga lixaad labada aqal ee Baarlamaanka JFS, oo uu maanta si rasmi ah u furay Madaxwaynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa waxaa shir guddoomyay Guddoomiyaha Aqalka Sare, Mudane Cabdi Xaashi Cabdullaahi iyo Guddoomiyaha Golaha Shacabka, Mudane Sheekh Aadan Maxamed Nuuur Madoobe oo ay wehelliyaan ku xigeennada labada Aqal, waxaana goobjoog ka ahaa Ra’iisul Wasaare Xamse Cabdi Barre, Guddoomiyaha Maxkamadadda Sare Baashe Yuusuf Axmed, Guddoomiyaha Gobolka Banaadir iyo xubno ka tirsan Xukuumadda Soomaaliya.
Guddoomiye Cabdi Xaashi oo ugu horrayn jeediyay khudbadda furitaanka kalfadhiga lixaad ee Baarlamaanka JFS, ayaa ka warbixiyay waxqabadka Aqalka Sare ee kalfadhigii shanaad oo uu Goluhu ku meel-mariyay labo iyo toban sharci oo muhiim u ah dowlad dhiska Soomaaliya, kuwaas oo dhammaantood maray habraacyadii sharci ee loogu tala galay, Guddoomiyuhu dhunaca kale, wuxuu xusay waxyaaba hor tabinta u leh Aqalka Sare kalfadhiga maanta furmat oo ay ka mid yihiin Dhammaystirka dib eegista Dastuurka, dhismaha Golaha adeegga Garsoorka iyo Maxkamadda Dastuuriga ee dalka, dhismaha guddiga la-dagaalanka musuqmaasuqa iyo in Aqalka Sare guddiyo la-tashi iyo xaqiiqo raadin ah u diri doonno deegaannada DXDF, si loo helo xogo dhab ah oo ku saabsan xaaladaha amni, siyaasad, dhaqaale iyo bulsho ee ka jira deegaannada dowladaha xubnaha ka ah dowladda Federaalka Soomaaliya.
