Guddoonka Labada Aqal ee Baarlamaanka Jamhuuriyadda Federaalka Soomaaliya Mudane Cabdi Xaashi Cabdullaahi iyo Mudane Sheekh Aadan Maxamed Nuur Madoobe, ayaa warbixin ku saabsan dardar gelinta dib-u-eegista Dastuurka ka dhagaystay Guddoonka Guddiyada Dib-u-eegista Dastuurka, islamarkaana loo soo bandhigay qorshayaasha iyo hannaanka loo qaabeeyay cutubyada Dastuurka 5aad illaa 9aad.
Kulanka oo ay goobjoog ahaayeen Ku-xigeennada Guddoonka labada aqal ee Baarlamaanka, Habdhowraha Aqalka Sare iyo Xoghayeyaasha labada Aqal oo socdon doonna muddo laba maalmood ah, ayaa wuxuu qayb ka yahay dardargelinta dhammaystirka dib-u-eegista Dastuurka, ayadoo loo gudbin doono Baarlmaanka Federaalka Soomaaliya cutubyada 5aad ilaa 9aad, si ay xildhibaannada labada Aqal ee BFS uga gutaan waajibaadkooda Dastuurka.
