𝐗𝐈𝐋𝐃𝐇𝐈𝐁𝐀𝐀𝐍𝐍𝐀𝐃𝐀 𝐋𝐀𝐁𝐀𝐃𝐀 𝐀𝐐𝐀𝐋 𝐄𝐄 𝐁𝐀𝐀𝐑𝐋𝐀𝐌𝐀𝐀𝐍𝐊𝐀 𝐅𝐄𝐃𝐄𝐑𝐀𝐀𝐋𝐊𝐀 𝐒𝐎𝐎𝐌𝐀𝐀𝐋𝐈𝐘𝐀 𝐎𝐎 𝐀𝐊𝐇𝐑𝐈𝐍𝐓𝐀 𝐊𝐎𝐎𝐖𝐀𝐀𝐃 𝐌𝐀𝐑𝐒𝐈𝐈𝐘𝐀𝐘 𝐗𝐄𝐄𝐑𝐊𝐀 𝐌𝐈𝐈𝐒𝐀𝐀𝐍𝐈𝐘𝐀𝐃𝐃𝐀 𝟐𝟎𝟐𝟕-𝐊𝐀.

Guddoomiye Ku xigeenka Labaad Aqalka Sare ee Baarlamaanka Federaalka Soomaaliya, Mudane Cabdullaahi Cali Xersi Timacadde, oo ay weheliyaan Guddoomiyaha Golaha Shacabka, Mudane Cabdulqaadir Maxamed Nuur, iyo Mudane Cabdullaahi Cumar Abshirow, ayaa shir guddoomiyay kulanka labaad ee kalfadhiga 8-aad ee kulanka wadajirka ah labada Gole ee Baarlamaanka 11-aad.

Ajendaha kulanka ayaa ahaa akhrinta koowaad ee Xeerka Miisaaniyadda 2027-ka, iyadoo awasiirka Wasaaradda Maaliyadda XFS, Mudane Biixi iimaan cige uu Xildhibaannada labada Gole si faahfaahsan uga warbixiyay xeerka Qoondaga Miisaaniyadda 2027-ka oo dhan 𝟏,𝟐𝟓𝟗,𝟐𝟑𝟖,𝟐𝟓𝟑.

Intaas kaddib, Xildhibaannada labada Aqal ee Baarlamaanka, ayaa Wasiirka su’aalo ka weydiiyay mabaadi’da guud iyo qodobbada kala duwan ee Xeerka Qoondada Miisaaniyadda Qaranka ee 2027-ka, waxaana Wasiirka Maaliyadda uu dhankiisa ka jawaabay su’aalihii ay mudanayaashu ka weydiiyeen Miisaaniyadda Qaranka, isaga oo faahfaahin ka bixiyay qodobbada ay Sanatarrada iyo Xildhibaannadu wax ka weydiiyeen.