Guddiga Dhaqaalaha, Maaliyadda, Ganacsiga, Warshadaha, Isgaarsiinta iyo Dalxiiska ee Aqalka Sare ee Baarlamaanka Federaalka Soomaaliya, oo gudanaya waajibaadkooda dastuuriga ah, ayaa maanta xafiiskooda ku qaabilay masโuuliyiin ka socotay Wasaaradda Maaliyadda, oo uu hoggaaminayay Wasiir-ku-xigeenka Wasaaradda, Mudane Cabdulqafaar Cilmi Xaange, iyo masโuuliyiin kale oo la socotay.
Kulanka oo uu shir-guddoominayay Guddoomiyaha Guddiga, Sanatar Cabdi Axmed Dhuxulow (Dhagdheer), ayaa ujeeddadiisu ahayd in masโuuliyiinta Wasaaradda Maaliyadda laga helo faahfaahin iyo fasiraad dheeraad ah oo ku saabsan Hindise-Sharciyeedka Dhisidda Hayโadda Dakhliga, gaar ahaan qodobbada la xiriira qaab-dhismeedka iyo shaqooyinka Hayโadda.
Xubnaha Guddiga ayaa masโuuliyiinta Wasaaradda waydiiyay suโaalo iyo qodobo u baahan faahfaahin dheeraad ah, si ay u helaan aragti iyo xog ku filan oo ka caawisa sixitaanka, turxaan-bixinta iyo tayeynta Hindise-Sharciyeedka, loogana dhigo mid dhammaystiran oo ka tarjumaya baahida dalka.
