‎1.‎ Guddigani waxay shaqo joogto ah wada yeelanayaan Guddiga kale ee ‎Dastuurka Golaha Shacabka Iyadoo la tixgalinayo sida ku cad qodobka 133 ee ‎Dastuurka kumeelgaarka ah, Guddiga La Socodku wuxuu: ‎

b) u yeeri karaan cid kasta oo xiriir la leh waajibaadkooda shaqo. ‎

t) Kormeerayaa, farayaa, ansaxinayaana hawlaha Guddiga dib-u-eegista iyo ‎dhaqangalinta Dastuurka iyo guud ahaanba ku dhaqanka Dastuurka. ‎

j) Xilliyada qaarkood fari karaa Guddiga Dib-u-eegista iyo Dhaqangalinta ‎Dastuurka mashruuc qoraal Sharci iyadoo lagu saleynayo baahida ‎Dastuurka ku meel gaarka ah ee dalka. ‎

x) Dib-u-eegayaa qabyo qoraalada wax ka bedelka Dastuurka ama Hindise ‎Sharciyeedyada iyo warbixinadda ku lifaaqan ee ka timid Guddiga Dib-u-‎eegista iyo Dhaqan galinta Dastuurka.

‎ Kh) Ogeysiiyaa dadweynaha wixii soo jeedin ah. ‎

d) Intii suurtogal ah, sugayaa in ay jiraan fursado ku filan ka qeyb-galka ‎doodda daweynaha. ‎

r) La tashanayaa xubnaha ka socda dadweynaha. ‎

s) Hubinyaa in xubnaha ka socda dadweynaha ay haystaan fursado ku filan ‎oo ay kusoo bandhigi karaan fikirkooda iyo aaraadooda Guddiga isku-‎dhafka ah. ‎

Sh) La hadlayaa Baarlamaanka Dowladaha xubnaha ka ah Federaalka isla ‎markaana ku biiriyo fikirka qoraallada ka yimaada xubnaha Dowladaha ‎xubnaha ka ah Federaalka Federaalka ka midka ah talo soo jeedinta wax ka ‎beddel haddii ay arrinta khuseyso danaha dowladda xubinta ka ah ‎Dowladda Federaalka. ‎

Dh) Kormeerayaa dhaqan gelinta mabaadii’da Federaalka Soomaaliya. ‎

c) Warbixin siinayaa Golaha ugu yaraan hal jeer sedexdii biloodba. ‎

g) Qabanayaa wixii hawl kale ah ee Dastuurka ku meel gaarka ah iyo ‎Sharciga Federaalka ah farayo. ‎

f) Inay labadii biloodba warbixin qoraal ah u soo gudbiyaan Aqalka. ‎

q) Xiriir kasta oo Guddigu la sameynayo jiha kasta oo shaqo kala dhaxayso ‎waa inuu ahaadaa mid qoraal ah.‎